Златен медал за стаорец кој детектира нагазни мини

Како што пренесува Би-Би-Си, специјално обучен Магава во својата „кариера“ досега откри 39 нагазни мини и 28 неексплодирани убојни средства во Камбоџа, поради што ветеринарна добротворна организација од Велика Британија му додели златен медал.

Магава е првиот стаорец меѓу 30 животни кои, благодарение на нивната работа во разни специјални служби, го добија тој медал.

Седумгодишниот Магава е долг 70 сантиметри и тежок 1,2 килограми, што му овозможува да се движи над нагазни мини без да ги активира, а минското поле со големина на тениско игралиште може да пребарува за само дваесет минути, додека маж со детектор за мина траеше помеѓу еден или четири дена.

Магава беше обучуван една година во белгиска организација со седиште во Танзанија, која обучува стаорци да мирисаат хемиско соединение во експлозивното полнење на нагазни мини, како и на туберкулоза.

Се проценува дека во Камбоџа има околу шест милиони нагазни мини, претежно поставени за време на граѓанската војна во 70-тите и 80-тите години на минатиот век.